ദുബായിലേക്ക് വിസക്ക് അപേക്ഷിക്കുന്നവർക്ക് പുതിയ നിബന്ധന. ഇനിമുതൽ പാസ്പോർട്ടിന്റെ പുറം കവറിന്റെ പകർപ്പ് കൂടി അപേക്ഷയോടൊപ്പം സമർപ്പിക്കണം. ദുബായ് താമസ, കുടിയേറ്റ വകുപ്പാണ് (ജി.ഡി.ആർ.എഫ്.എ) ഇതുസംബന്ധിച്ച നിർദേശം പുറത്തിറക്കിയത്. എല്ലാ രാജ്യക്കാർക്കും എല്ലാ തരം വിസകൾക്കും ഈ നിബന്ധന ബാധകമാണ്.
ഇതുവരെ പാസ്പോർട്ടിന്റെ അകത്തെ പേജുകൾ മാത്രമായിരുന്നു വിസ അപേക്ഷയോടൊപ്പം നൽകിയിരുന്നത്. പുതിയ മാറ്റം വന്നതോടെ, പാസ്പോർട്ടിന്റെ കവർ പേജിന്റെ പകർപ്പ്, പാസ്പോർട്ടിന്റെയും മടക്കയാത്രാ ടിക്കറ്റിന്റെയും പകർപ്പ്, പാസ്പോർട്ട് സൈസ് ഫോട്ടോ, ഹോട്ടൽ ബുക്കിംഗ് വിവരങ്ങൾ എന്നിവയെല്ലാം കൃത്യമായി സമർപ്പിക്കേണ്ടത് അത്യാവശ്യമാണ്.
വേണ്ടത്ര രേഖകളില്ലാതെ സമർപ്പിക്കുന്ന അപേക്ഷകൾ നിരസിക്കാൻ സാധ്യതയുണ്ടെന്ന് അധികൃതർ അറിയിച്ചു. കൂടുതൽ വിവരങ്ങൾ അറിയണമെങ്കിൽ അതത് ട്രാവൽ ഏജൻസികളുമായി ബന്ധപ്പെടാവുന്നതാണ്.
