ന്യൂഡല്ഹി: യമനില് വധശിക്ഷ കാത്തുകിടക്കുന്ന മലയാളി നിമിഷപ്രിയയുടെ ശിക്ഷ നടപടികള് റിപ്പോര്ട്ട് ചെയ്യുന്നതില് നിന്ന് മാധ്യമങ്ങളെ വിലക്കണമെന്ന് ആവശ്യപ്പെട്ട് സുപ്രീം കോടതിയില് ഹര്ജി. ഇവാഞ്ചലിസ്റ്റും ഗ്ലോബല് പീസ് ഇനിഷ്യേറ്റീവ് സംഘടനാ സ്ഥാപകനുമായ ഡോ. കെ.എ പോളാണ് കോടതിയെ സമീപിച്ചത്. ഈ മാസം 24നോ 25നോ നിമിഷപ്രീയയുടെ ശിക്ഷ നടപ്പാക്കുമെന്നും, മൂന്ന് ദിവസത്തേയ്ക്ക് ഇത് സംബന്ധിച്ച് വാര്ത്ത നല്കുന്നതില് നിന്ന് മാധ്യമങ്ങളെ വിലക്കണമെന്നുമാണ് ഹര്ജിയിലെ ആവശ്യം. ഹര്ജിയില് അറ്റോര്ണി ജനറിലിന് സുപ്രീംകോടതി നോട്ടീസ് അയച്ചിട്ടുണ്ട്. ഹര്ജി പരിഗണിക്കുന്നത് തിങ്കളാഴ്ചത്തേയ്ക്ക് മാറ്റി.
