യുഎഇ ദേശീയ ദിന അവധിയോട് അനുബന്ധിച്ച് ദുബൈയിലെ വാഹനമോടിക്കുന്നവർക്ക് മൂന്ന് ദിവസം സൗജന്യ പൊതു പാർക്കിംഗ് പ്രഖ്യാപിച്ചു. ഈദ് അൽ ഇത്തിഹാദ് അവധിയായ തിങ്കൾ , ചൊവ്വ ദിവസങ്ങളിലും ഞായറാഴ്ചയും പൊതു പാർക്കിംഗ് സൗജന്യമായിരിക്കും. ബുധനാഴ്ച മുതൽ പാർക്കിംഗ് ഫീസ് വീണ്ടും ഈടാക്കി തുടങ്ങുമെന്ന് ദുബൈ റോഡ്സ് ആൻഡ് ട്രാൻസ്പോർട്ട് അതോറിറ്റി അറിയിച്ചു. മൾട്ടി-സ്റ്റോറി കാർ പാർക്കുകളിലും അൽ ഖൈൽ ഗേറ്റ് N-365ലും സൗജന്യ പാർക്കിംഗ് ബാധകമായിരിക്കില്ലന്നും അധികൃതർ വ്യക്തമാക്കി.
