മസ്കത്ത്: ന്യൂനമര്ദം അറബിക്കടലില് രൂപപ്പെട്ടതായി ഒമാന് കാലാവസ്ഥ നിരീക്ഷണ കേന്ദ്രം വ്യക്തമാക്കി. ഇനി വരും ദിവസങ്ങളില് ഇത് തീവ്ര ന്യൂനമര്ദ്ദമാകാന് സാധ്യതയുണ്ടെന്നും, ഒക്ടോബര് 21 ന് ഉള്ളിലായി ഇത് വികസിക്കുമെന്ന് പ്രതീക്ഷിക്കുന്നതായി നാഷനല് മള്ട്ടിഹാസാര്ഡ് ഏര്ലി വാണിങ് സെന്റര് വ്യക്തമാക്കി. അറബിക്കടലിന്റെ തെക്കുകിഴക്കായി മേഘങ്ങളുടെ പ്രവര്ത്തനങ്ങള് ഉപഗ്രഹ ചിത്രങ്ങളുടെയും കാലാവസ്ഥാ വിശകലനത്തിന്റെയും അടിസ്ഥാനത്തില് നിരീക്ഷിക്കുനുണ്ട്. ന്യൂനമര്ദ്ദം ക്രമേണ പടിഞ്ഞാറ് ഭാഗത്തേക്ക് നീങ്ങാന് സാധ്യതയുണ്ടെന്നും അതേസമയം അടുത്ത അഞ്ച് ദിവസങ്ങളില് ഒമാനില് നേരിട്ടുള്ള പ്രത്യാഘാതങ്ങളൊന്നും ഉണ്ടാക്കാന് സാധ്യതയില്ലെന്നും അധികൃതര് വ്യക്തമാക്കി.
