ഡിസംബർ 6 ശനിയാഴ്ച അൽ-മുറബ്ബആനിയ സീസൺ ആരംഭിക്കുമെന്ന് അൽ-ഉജൈരി സയന്റിഫിക് സെന്റർ. ഈ സീസൺ കുവൈത്തിൽ ശൈത്യകാലത്തിന്റെ യഥാർത്ഥ തുടക്കത്തെ പ്രതിനിധീകരിക്കുന്നു. എങ്കിലും ആദ്യ കുറച്ച് ദിവസങ്ങളിൽ താപനില നേരിട്ട് കുറയാനിടയില്ല. അൽ-മുറബ്ബാനിയ്യ സീസൺ 39 ദിവസത്തേക്ക് നീണ്ടുനിൽക്കുമെന്നും, സീസണിന്റെ ആരംഭം സാധാരണയായി ഏറ്റവും തണുപ്പുള്ളതാണെന്നും ആഗോള കാലാവസ്ഥാ ഘടകങ്ങൾ കാരണം വർഷംതോറും തീവ്രത വ്യത്യാസപ്പെടുമെന്നും അവർ വ്യക്തമാക്കി. ഈ കാലയളവിൽ രാത്രി ദൈർഘ്യമേറിയതാണെന്നും ഡിസംബർ 21ന് വർഷത്തിലെ ഏറ്റവും ദൈർഘ്യമേറിയ രാത്രിയിൽ എത്തുമെന്നും 13 മണിക്കൂറും 44 മിനിറ്റും നീണ്ടുനിൽക്കുമെന്നും കേന്ദ്രം അറിയിച്ചു. ഇത് ദിവസങ്ങൾ കഴിയുന്തോറും തണുപ്പ് വർധിക്കാൻ കാരണമാകുമെന്നും കേന്ദ്രം വ്യക്തമാക്കി.
