Related posts
സൗദിയിലെ മക്ക, മദീന അടക്കമുള്ള വിശുദ്ധ പള്ളികളില്‍ ഫോട്ടോ എടുക്കുന്നവര്‍ക്കു സൗദി ഹജ്ജ്, ഉംറ മന്ത്രാലയം മുന്നറിയിപ്പ് നല്‍കി. വിശുദ്ധ പള്ളികളില്‍ ഫോട്ടോഗ്രാഫിക്കു ചില നിയന്ത്രണങ്ങള്‍ പാലിക്കേണ്ടതുണ്ടെന്നു ഹജ്ജ്, ഉംറ മന്ത്രാലയം തിങ്കളാഴ്ച വ്യക്തമാക്കി. മക്കയിലും മദീനയിലും ആരാധനക്ക് എത്തുന്നവരെ ദൈവത്തിന്റെ അതിഥികള്‍ ആയാണ് കണക്കാണുന്നത്. വിശുദ്ധ മസ്ജിദിലെ തന്റെ സാന്നിധ്യ നിമിഷങ്ങള്‍ ഫോട്ടോയെടുത്തു സൂക്ഷിക്കാന്‍ വിശ്വാസികള്‍ക്ക് ആഗ്രഹമുണ്ടാകും. അതിനു വിശ്വാസികള്‍ക്ക് അവകാശമുണ്ട്. എന്നാല്‍ വിശുദ്ധ കഅബയെ പ്രദക്ഷിണം ചെയ്യുന്നവരെയും മറ്റ് ആരാധകരെയും ശല്യപ്പെടുത്താതെ വേഗത്തില്‍ ചിത്രം എടുക്കുവാന്‍ ശ്രമിക്കണം എന്നാണ് മന്ത്രാലയം പറഞ്ഞിട്ടുള്ളത്. ഹറമില്‍ പ്രവേശിക്കുമ്പോള്‍ വലതു കാല്‍ മുന്നോട്ട് വെച്ചു കയറണം. പള്ളിയില്‍ പ്രവേശിക്കുന്നതിനുള്ള പ്രാര്‍ത്ഥന മറക്കാതെ ഉരുവിടണം. തിക്കും തിരക്കും ഉണ്ടാക്കാതെ സാവധാനം മാന്യതയോടെയും ശാന്തമായും പ്രവേശിക്കണമെന്നും മന്ത്രാലയം ഉപദേശിച്ചു.
