പ്രവാസികൾക്ക് സന്തോഷ വാർത്ത .തിരുവനന്തപുരത്ത് നിന്ന് ഒരു പുതിയ രാജ്യാന്തര വിമാന സർവീസ് ആരംഭിക്കുന്നു. ഇത്തിഹാദ് എയർവേയ്സിൻറെ തിരുവനന്തപുരം-അബുദാബി സർവീസ് ഇന്ന് മുതൽ ആരംഭിക്കും. തുടക്കത്തിൽ ആഴ്ചയിൽ 5 ദിവസമായിരിക്കും സർവീസ്. അബുദാബിയിൽ നിന്ന് രാത്രി 8.10ന് തിരുവനന്തപുരത്ത് എത്തുന്ന വിമാനം 9.40ന് തിരികെ അബുദാബിയിലേക്ക് പോകും. തിരുവനന്തപുരം-അബുദാബി സെക്ടറിൽ ഇതിഹാദിന്റെ രണ്ടാമത്തെ സർവീസ് ആണിത്. നിലവിലുള്ള സർവീസിന്റെ സമയത്തിൽ ഇന്ന് മുതൽ മാറ്റമുണ്ടാകും . രാവിലെ 3:10നു തിരുവനന്തപുരത്ത് എത്തുന്ന വിമാനം 4.10ന് അബുദാബിയിലേക്ക് പോകുമെന്നും അധികൃതർ വ്യക്തമാക്കി.
