കേരള സെക്ടറിൽ വിവിധ വിമാനങ്ങൾ റദ്ദാക്കിയതായി എയർ ഇന്ത്യ എക്സ്പ്രസ്. മേയ് അവസാനം വരെ നിരവധി വിമാനങ്ങൾ റദ്ദാക്കിയതായി എയർ ഇന്ത്യ അധികൃതർ ട്രാവൽ ഏജന്റുമാർക്ക് അയച്ച സർക്കുലറിൽ വ്യക്തമാക്കി. മേയ് 29, 31 തീയതികളിൽ കോഴിക്കോട്-മസ്കറ്റ്, 30, ജൂൺ ഒന്ന് തീയതികളിൽ മസ്കറ്റ്-കോഴിക്കോട് വിമാനങ്ങളാണ് റദ്ദാക്കിയത്. മേയ് 30ന് തിരുവനന്തപുരത്തു നിന്ന് മസ്കറ്റിലേക്കും ഇവിടെ നിന്ന് തിരുവനന്തപുരത്തേക്കും, 31ന് കണ്ണൂരിൽ നിന്ന് മസ്കറ്റിലേക്കും ഇവിടെ നിന്ന് കണ്ണൂരിലേക്കുള്ള വിമാനങ്ങളും റദ്ദാക്കി. ജൂൺ മാസത്തിൽ നിരവധി വിമാനങ്ങൾ മെർജ് ചെയ്തതായി അധികൃതർ കൂട്ടിച്ചേർത്തു. ജൂൺ എട്ട്, ഒൻപത് തീയതികളിലുള്ള മസ്കറ്റ്-കോഴിക്കോട്, മസ്കറ്റ്-തിരുവനന്തപുരം സർവീസുകൾ ഒന്നിച്ച് ഒറ്റ സർവീസുകളായിരിക്കും നടത്തുക.
