സെപ്‍റ്റംബര്‍ 11 മുതല്‍ സൗദി സര്‍വീസുകള്‍ ആരംഭിക്കുമെന്ന് എമിറേറ്റ്സ്.
സൗദി അറേബ്യ യുഎഇയില്‍ നിന്നുള്ള യാത്രാ വിലക്ക് പിൻവലിച്ചതിനെത്തുടർന്നാണ് എമിറേറ്റ്സ് വിമാന സര്‍വീസുകള്‍ പുനഃരാരംഭിക്കുന്നതെന്ന് റിപ്പോർട്ട്. ആഴ്‍ചയില്‍ 24 സര്‍വീസുകളാണ് യുഎഇയില്‍ നിന്ന് സൗദി അറേബ്യയിലേക്ക് നടത്തുക. സെപ്‍റ്റംബര്‍ 16 മുതല്‍ റിയാദിലേക്കുള്ള വിമാന സര്‍വീസുകള്‍ ഇരട്ടിയാക്കും. ഈ മാസം അവസാനത്തോടെ മറ്റ് നഗരങ്ങളിലേക്കും കൂടുതല്‍ സര്‍വീസുകള്‍ ആരംഭിക്കാനാണ് എമിറേറ്റ്സിന്റെ നീക്കം.
യുഎഇയില്‍ നിന്ന് എല്ലാ ദിവസവും സൗദി തലസ്ഥാനമായ റിയാദിലേക്കും ജിദ്ദയിലേക്കും എമിറേറ്റ്സിന്റെ വിമാന സര്‍വീസുണ്ടാവും. ദമ്മാമിലേക്കുള്ള പ്രതിദിന സര്‍വീസുകള്‍ക്ക് പുറമെ മദീനയിലേക്ക് ആഴ്‍ചയില്‍ മൂന്ന് സർവീസുകൾക്കുമാണ് എമിറേറ്റ്സ് പദ്ധതിയിടുന്നത്.
