വാക്‌സിനേഷൻ പൂർത്തിയാക്കിയ ഇന്ത്യക്കാർക്ക് പ്രവേശനവിലക്കില്ലെന്ന് കുവൈറ്റ് വ്യോമയാന വകുപ്പ് ഡയറക്ടർ എൻജിനീയർ യൂസഫ് സുലൈമാൻ അൽ ഫൗസാൻ വ്യക്തമാക്കി. ഇന്ത്യയിൽനിന്ന് നേരിട്ടുള്ള വിമാന സർവീസുകൾ അധികം വൈകാതെ ആരംഭിക്കുമെന്നും യൂസഫ് അൽ ഫൗസാൻ അറിയിച്ചു.
കുവൈറ്റ് അംഗീകരിച്ച വാക്‌സിനുകൾ എടുത്തവർക്കാണ് പ്രവേശനം അനുവദിച്ചിരിക്കുന്നത്. മറ്റൊരു രാജ്യത്ത് ക്വാറന്റൈൻ ആവശ്യമില്ലെന്നും വ്യോമയാന വകുപ്പ് മേധാവി അറിയിച്ചു. ഇന്ത്യയിൽനിന്ന് കുവൈത്തിലേക്ക് നേരിട്ട് വിമാന സർവീസ് ഇല്ലെങ്കിലും മറ്റേതെങ്കിലും രാജ്യത്തെ ട്രാൻസിറ്റ് വഴി കുവൈറ്റിലേക്ക് വരാം. അധികം വൈകാതെ തന്നെ ഇന്ത്യക്കാർക്ക് നേരിട്ട് കുവൈറ്റിലേക്ക് യാത്ര ചെയ്യാവുന്ന സാഹചര്യം ഉണ്ടാകുമെന്നും യൂസഫ് അൽ ഫൗസാൻ പറഞ്ഞു.
