ട്രാഫിക് പിഴകളിൽ 35 ശതമാനം ഇളവ് പ്രഖ്യാപിച്ച് അബുദാബി. എന്നാൽ ഈ ആനുകൂല്യം പിഴ അടയ്ക്കുന്ന സമയത്തെ ആശ്രയിച്ചിരിക്കുന്നു എന്ന് അധികൃതർ വ്യക്തമാക്കി. നിയമലംഘനം നടത്തി ആദ്യത്തെ 60 ദിവസത്തിനുള്ളിൽ പിഴ അടച്ചാൽ റോഡ് ഉപയോക്താവിന് 35 ശതമാനം ഇളവ് ലഭിക്കും. എന്നാൽ ഗുരുതര നിയമലംഘനങ്ങൾക്ക് ഇത് ബാധകമല്ല. 60 ദിവസത്തിന് ശേഷം പിഴ അടച്ചാൽ നിയമലംഘനം നടത്തി ഒരു വർഷത്തിനകം 25 ശതമാനവും ഇളവ് ലഭിക്കുകയും ചെയ്യും. പിഴകൾ വൻതോതിൽ വർധിക്കുന്നത് ഒഴിവാക്കാനും സാമ്പത്തിക ഭാരം പരിമിതപ്പെടുത്താനും ആളുകളെ സഹായിക്കുന്നതിനായുള്ള ‘നേരത്തെ പിഴയടയ്ക്കുക, ഉറപ്പായും നേടുക’ എന്ന സംരംഭത്തിന്റെ ഭാഗമായാണ് അധികൃതർ ഇളവ് പ്രഖ്യാപിച്ചത്.
