പ്രവാസികൾക്കുള്ള റീ എന്‍ട്രി വിസ കാലാവധി ദീര്‍ഘിപ്പിക്കൽ ഫീസ് ഇരട്ടിയാക്കി സൗദി. സൗദി അറേബ്യയില്‍ നിന്ന് നാട്ടിലേക്ക് അവധിക്ക് പോയവരുടെ റീ എന്‍ട്രി വിസാകാലാവധി ദീര്‍ഘിപ്പിക്കാൻ ഇനി മുതല്‍ ഇരട്ടി ഫീസ് നല്‍കേണ്ടി വരും. ഇതുവരെ ഒരു മാസത്തിന് 100 റിയാല്‍ എന്ന തോതിലായിരുന്നു എന്നാൽ ഇനി മുതൽ 200 റിയാൽ നൽകണം. രണ്ട് മാസത്തേക്ക് 400, മൂന്നു മാസത്തേക്ക് 600, നാലു മാസത്തേക്ക് 800 എന്നിങ്ങനെയാണ് പുതുക്കിയ ഫീസ് നിരക്ക്. ഒരാഴ്ച മുമ്പാണ് പുതിയ വ്യവസ്ഥ ബാങ്കുകളില്‍ അപ്‌ഡേറ്റ് ചെയ്തത്. നാട്ടില്‍ പോയവരുടെ റീ എന്‍ട്രി വിസ കാലാവധി ദീര്‍ഘിപ്പിക്കുന്നത് അത്യാവശ്യത്തിന് മാത്രമാണെന്നതാണ് ഫീസ് ഉയ‍ർത്തിയതിന്റെ കാരണം.
