റിയാദിൽ ഉദ്ഘാടന ദിവസം ഓഫര്‍ പ്രഖ്യാപിച്ചതിനെ തുടർന്ന് ആളുകള്‍ ഇരച്ചുകയറിയത്തോടെ വ്യാപാര സ്ഥാപനം തകർന്നു. വമ്പന്‍ ഓഫര്‍ പ്രഖ്യാപിച്ചത് ആലമുത്തൗഫീര്‍ എന്ന സ്ഥാപനമാണ്. ഉദ്ഘാടന ദിവസം കടയിലേക്ക് ആളുകള്‍ ഇരച്ചുകയറി. സ്ഥലത്ത് ഉള്‍ക്കൊള്ളാവുന്നതിലും അധികം ആളുകള്‍ തള്ളിക്കയറിയതോടെ കട തകര്‍ന്നു. സോഷ്യല്‍ മീഡിയയിലും ഓഫറിന്‍റെ പരസ്യം നല്‍കിയിരുന്നു. ഓഫര്‍ നല്‍കുന്നെന്ന കാര്യം വന്‍തോതില്‍ പരസ്യം നല്‍കിയതോടെ ആയിരക്കണക്കിന് ആളുകളാണ് ഉദ്ഘാടന ദിവസം വന്നത്. സ്ഥാപനത്തിന്‍റെ പ്രധാന വാതില്‍ തുറന്നതോടെ ആളുകള്‍ അകത്തേക്ക് ഇരച്ചുകയറുകയായിരുന്നു. ഓഫറുള്ള സാധനങ്ങൾ എടുക്കാന്‍ തിക്കും തിരക്കും കൂട്ടി. നിലത്തുവീണ പാത്രങ്ങള്‍ക്കും സാധനങ്ങള്‍ക്കും മുകളിലൂടെ ആളുകള്‍ നടക്കുന്ന വീഡിയോ സാമൂഹിക മാധ്യമങ്ങളില്‍ പ്രചരിക്കുന്നുണ്ട്. സ്ഥാപന ഉടമകള്‍ക്ക് വൻ ദുരവസ്ഥയാണ് നേരിടേണ്ടിവന്നത്.
