കുവൈറ്റ് സിറ്റി: കുവൈറ്റില്‍ സ്വദേശി വത്കരണം ശക്തമാക്കാത്തതിനെ ചോദ്യം ചെയ്ത് എം.പി മുബാറക് അബ്ദുള്ള അല്‍ അജ്മി. മന്ത്രാലയങ്ങളിലെ വിദേശ തൊളിലാളികളുടെ എണ്ണവും വിദ്യാഭ്യാസവും വ്യക്തമാക്കണമെന്ന് ആവശ്യപ്പെട്ട് മുഴുവന്‍ മന്ത്രാലയങ്ങള്‍ക്കും എം.പി കത്ത് നല്‍കി.
സര്‍ക്കാര്‍ വകുപ്പുകളില്‍ പൂര്‍ണമായും സ്വദേശിവത്കരണം നടപ്പിലാക്കാത്തത് ചോദ്യം ചെയ്താണ് എം.പിയുടെ നടപടി. വിദ്യാഭ്യാസ യോഗ്യതയുള്ള സ്വദേശികളെ കണ്ടെത്താന്‍ കഴിയാത്തതിനാലാണ് മന്ത്രാലയങ്ങളില്‍ ഇപ്പോളും വിദേശികളെ ഉള്‍പ്പെടുത്തിയിരിക്കുന്നതെന്നാണ് സര്‍ക്കാര്‍ വാദം. എന്നാല്‍ സ്വദേശികള്‍ക്ക് ആവശ്യമായ പരിശീലനം നല്‍കി മുഖ്യധാരയിലേക്ക് ഉയള്‍ത്തിക്കൊണ്ടുവരാന്‍ മന്ത്രാലയങ്ങള്‍ വിമുഖത കാണിക്കുന്നുവെന്നും ആക്ഷേപമുണ്ട്.
