ഖത്തറിൽ വനിതാ ജീവനക്കാരുടെ തൊഴിൽ സമയം കുറയ്ക്കുന്നു. ഇതിന്റെ പൈലറ്റ് പദ്ധതി ഈ വർഷം മധ്യകാല അവധിക്കാലത്ത് നടപ്പാക്കും. ഈ മാസം 24 മുതൽ ജനുവരി നാലു വരെയുള്ള കാലയളവിൽ പരീക്ഷണാടിസ്ഥാനത്തിൽ പദ്ധതി പ്രാവർത്തികമാക്കും. സർക്കാർ ജീവനക്കാരായ സ്വദേശി സ്ത്രീകൾക്കാണ് പദ്ധതിയുടെ പ്രയോജനം ലഭിമാവുക. സ്‌കൂളിൽ പഠിക്കുന്ന കുട്ടികളുള്ള ഖത്തരി സ്ത്രീകളുടെ ജോലി സമയം ഉച്ചയ്ക്ക് 12 മണിക്ക് അവസാനിക്കുന്ന രീതിയിലാണ് സമയ ക്രമീകരണം. തൊഴിൽ സമയം കുറക്കുന്നതു കൊണ്ടുണ്ടാകുന്ന ഗുണങ്ങളും ബുദ്ധിമുട്ടുകളും സിവിൽ സർവിസ് ആൻഡ് ഗവൺമെന്റ് ഡെവലപ്മെന്റ് ബ്യൂറോയും, ഉന്നത വിദ്യാഭ്യാസ മന്ത്രാലയവും വിലയിരുത്തുകയും ചെയ്യും. സ്ത്രീശാക്തീകരണവും സ്ത്രീകളിലെ അമിത സമ്മർദം കുറക്കലുമാണ് പദ്ധതിയുടെ ലക്ഷ്യം.
