കുവൈത്തില്‍ വ്യാജ സോഷ്യല്‍ മീഡിയ അക്കൗണ്ടുകള്‍ കൈകാര്യം ചെയ്ത ഒരാള്‍ അറസ്റ്റിലായതായി റിപ്പോര്‍ട്ട്. 16 വ്യത്യസ്ത അകൗണ്ടുകളിലൂടെ കിംവദന്തികള്‍ പ്രചരിപ്പിക്കുകയും ആളുകളെ അപകീര്‍ത്തിപ്പെടുത്തുകയും പണം തട്ടുകയും ചെയ്തതിനെ തുടര്‍ന്നാണ് ഇയാളെ അറസ്റ്റ് ചെയ്തത്. ചോദ്യം ചെയ്യലില്‍ പ്രതി കുറ്റം സമ്മതിക്കുകയും ചെയ്തു. നിയമവിരുദ്ധ പ്രവര്‍ത്തനത്തിന് പുറം രാജ്യത്തുനിന്നുള്ള ഒരു വ്യക്തിയുടെ സഹകരണം ലഭിച്ചതായും പ്രതി സമ്മതിച്ചു. മൊബൈല്‍ ഫോണുകള്‍, മയക്കുമരുന്ന്, സൈക്കോട്രോപിക് വസ്തുക്കള്‍, മദ്യം തുടങ്ങിയവ പ്രതിയില്‍ നിന്ന് അധികൃതര്‍ പിടിച്ചെടുത്തു. ഭീഷണിപ്പെടുത്തിയതിന് പ്രതിക്ക് മുമ്പ് മൂന്നു വര്‍ഷത്തെ തടവ് ശിക്ഷ ലഭിച്ചിട്ടുണ്ടെന്നും അധികൃതര്‍ കണ്ടെത്തി.
