വീസ കാലാവധി കഴിഞ്ഞിട്ടും സൗദിയിൽ തങ്ങുന്ന വിദേശികളെ കുറിച്ച് വിവരം നൽകാത്ത സ്പോൺസർക്ക് 6 മാസം തടവും അര ലക്ഷം റിയാൽ പിഴയും ലഭിക്കുമെന്ന് ആഭ്യന്തര മന്ത്രാലയം വ്യക്തമാക്കി. നിയമലംഘകനായ വിദേശിക്കും സമാന ശിക്ഷ ലഭിക്കുന്നതാണ്. നിയമലംഘന കാലയളവിലെ പിഴ അടയ്ക്കുകയും തടവുകാലം പൂർത്തിയാകുകയും ചെയ്ത ശേഷം വിദേശിയെ നാടുകടത്തുമെന്നും അധികൃതർ ചൂണ്ടിക്കാട്ടി. ഹജ്, ഉംറ തീർഥാടകർ വീസ കാലാവധിക്കുശേഷം തങ്ങിയാൽ ഒരു ലക്ഷം റിയാൽ വരെ പിഴ ഈടാക്കുമെന്നും അധികൃതർ നേരത്തെ അറിയിച്ചിരുന്നു.
