ഒമാൻ മസ്കത്ത് ഗവർണറേറ്റിലെ വാണിജ്യ സ്ഥാപനത്തിൽ വിൽപനയ്ക്കായി എത്തിച്ച ലൈസൻസില്ലാത്ത ഹെർബൽ, സൗന്ദര്യവർധക ഉൽപന്നങ്ങൾ ഉപഭോക്തൃ സംരക്ഷണ വിഭാഗം പിടിച്ചെടുത്തതായി റിപ്പോർട്ട്. കഴിഞ്ഞ ദിവസം മാർക്കറ്റ് റഗുലേഷൻ ആൻഡ് കൺട്രോൾ സർവീസസ് ഡിപ്പാർട്ട്മെന്റ് നടത്തിയ പരിശോധനയിലാണ് വൻതോതിൽ ഉൽപന്നങ്ങൾ പിടിച്ചെടുത്തത്. ക്രീമുകൾ, കാപ്സ്യൂളുകൾ, ഔഷധ ചേരുവകൾ ചേർത്ത വിവിധ തരം തേൻ തുടങ്ങിയവയുൾപ്പെടെ 1,329 ഉൽപന്നങ്ങളാണ് അധികൃതർ പിടിച്ചെടുത്തത്. റജിസ്റ്റർ ചെയ്യാത്തതും അപകടകരമായേക്കാവുന്നതുമായ ഉൽപന്നങ്ങൾ വിൽക്കുന്നത് ഒഴിവാക്കണമെന്ന് ഉപഭോക്തൃ സംരക്ഷണ വിഭാഗം അധികൃതർ ചൂണ്ടിക്കാട്ടി.
