നിയമങ്ങളും ചട്ടങ്ങളും ലംഘിച്ചതിന് കുവൈത്തിൽ നിന്ന് നാടുകടത്തപ്പെട്ട വിവിധ രാജ്യങ്ങളിൽ നിന്നുള്ള പ്രവാസികളുടെ എണ്ണം 36,610 ആയി ഉയർന്നു. കഴിഞ്ഞ ആഴ്ച അവസാനം രേഖപ്പെടുത്തിയ ഔദ്യോഗിക കണക്കുകൾ പ്രകാരമാണിത്. നിയമലംഘകരെ കണ്ടെത്തുന്നതിനും പൊതു സുരക്ഷ വർദ്ധിപ്പിക്കുന്നതിനും ലക്ഷ്യമിട്ടുള്ള എല്ലാ ഗവർണറേറ്റുകളിലുമുള്ള രാജ്യവ്യാപക സുരക്ഷാ ക്യാമ്പയിനുകളുടെ വേഗതയാണ് ഈ വർധനവ് പ്രതിഫലിപ്പിക്കുന്നത്. നാടുകടത്തപ്പെട്ടവരിൽ ഭൂരിഭാഗവും ഏഷ്യൻ പൗരന്മാരാണെന്ന് ഒരു സുരക്ഷാ സ്രോതസ്സ് വ്യക്തമാക്കി, മിക്ക കേസുകളിലും ക്രിമിനൽ പ്രവർത്തനങ്ങളിൽ ഉൾപ്പെട്ട വ്യക്തികൾക്ക് പുറമേ താമസ, തൊഴിൽ നിയമങ്ങളുടെ ലംഘനവും ഉൾപ്പെട്ടിട്ടുണ്ടെന്ന് അധികൃതർചൂണ്ടിക്കാട്ടി. പല സാഹചര്യങ്ങളിലും, ആഭ്യന്തര മന്ത്രാലയം തടവിന് പകരം നാടുകടത്തലിനെ അനുകൂലിക്കുന്നു, പ്രത്യേകിച്ച് രാജ്യത്ത് നിന്ന് നീക്കം ചെയ്യുന്നത് കൂടുതൽ ഫലപ്രദവും ഉചിതവുമായ ശിക്ഷയായി കണക്കാക്കുമ്പോൾ. ഗതാഗത വകുപ്പ്, പൊതു സുരക്ഷ, താമസകാര്യ അന്വേഷണങ്ങൾ, ത്രികക്ഷി സമിതി എന്നിവയുൾപ്പെടെ ഒന്നിലധികം സുരക്ഷാ, ഭരണ സ്ഥാപനങ്ങൾ തമ്മിലുള്ള അടുത്ത ഏകോപനമാണ് നാടുകടത്തലുകളുടെ എണ്ണത്തിൽ വർദ്ധനവിന് കാരണമെന്ന് ഉറവിടം വ്യക്തമാക്കി. നിയമലംഘകരെ കണ്ടെത്തുന്നതിനും പിടികൂടുന്നതിനുമായി ഈ സ്ഥാപനങ്ങൾ അവരുടെ സംയുക്ത പരിശോധനാ ക്യാമ്പയിനുകളും ഫീൽഡ് പ്രവർത്തനങ്ങളും ശക്തമാക്കിയിട്ടുണ്ട്. നിയമപരമായ ആവശ്യകതകൾക്കനുസൃതമായി, എല്ലാ നാടുകടത്തൽ നടപടിക്രമങ്ങളും ഒരു മാസത്തിനുള്ളിൽ പൂർത്തിയാകുമെന്നും നാടുകടത്തൽ ഉത്തരവുകളുടെ യഥാർത്ഥ നിർവ്വഹണം സാധാരണയായി 10 ദിവസത്തിനുള്ളിൽ നടക്കുമെന്നും അധികൃതർ കുട്ടിച്ചർത്തു.
