ഖത്തറിൽ പ്രായമായവരെ പിന്തുണയ്ക്കുന്നതിനും അവരുടെ ജീവിത നിലവാരം ഉയർത്തുന്നതിനും ലക്ഷ്യമിട്ട് അൽ മഷാഫ് ഹെൽത്ത് സെന്ററിൽ ഒരു പുതിയ ഇന്റഗ്രേറ്റഡ് എൽഡർലി കെയർ ക്ലിനിക് ആരംഭിച്ചു. ഹമദ് മെഡിക്കൽ കോർപ്പറേഷൻ , പ്രൈമറി ഹെൽത്ത് കെയർ കോർപ്പറേഷനുമായി സഹകരിച്ചാണ് വാർദ്ധക്യം ആരോഗ്യകരമാക്കാൻ പുതിയ ക്ലിനിക് പ്രവർത്തനമാരംഭിച്ചത്. ഓർമ്മ, വൈജ്ഞാനിക പ്രവർത്തനം, സന്തുലിതാവസ്ഥ, ചലനശേഷി, പോഷകാഹാരം, ഭാരം, കാഴ്ച, കേൾവി, മാനസികാരോഗ്യം എന്നിവയ്ക്കുള്ള പരിശോധനകൾ ക്ലിനിക്കിൽ സൗജന്യമായി ലഭ്യമാകുമെന്ന് അധികൃതർ വ്യക്തമാക്കി റുമൈല ആശുപത്രിയിലെ ലോകാരോഗ്യ സംഘടനയുടെ ഹെൽത്തി ഏജിംഗ് ആൻഡ് ഡിമെൻഷ്യ പ്രോഗ്രാമുമായി സഹകരിച്ച് പ്രവർത്തിക്കുന്ന കേന്ദ്രത്തിന്റെ മേൽനോട്ടത്തിലുള്ള ഇന്റഗ്രേറ്റഡ് എൽഡർലി കെയർ പ്രോഗ്രാമിന്റെ ഭാഗമാണ് ഈ പദ്ധതി. സമഗ്രവും വ്യക്തി കേന്ദ്രീകൃതവുമായ ആരോഗ്യ സംരക്ഷണം നൽകുന്നതിനും സജീവവും സ്വതന്ത്രവുമായ വാർദ്ധക്യം ഉറപ്പാക്കുന്നതിനുമുള്ള ഖത്തറിന്റെ പ്രതിബദ്ധതയാണ് ഈ പദ്ധതി പ്രതിഫലിപ്പിക്കുന്നത്..
