മസ്കത്ത്: ഒമാനിലെ എക്സൈസ് ഉൽപ്പന്നങ്ങൾക്കായുള്ള ഡിജിറ്റൽ ടാക്സ് സ്റ്റാമ്പ് (DTS) മൂന്നാം ഘട്ടം നടപ്പിലാക്കുന്നത് 2024 ജനുവരി 1 ലേക്ക് നീട്ടിയതായി നികുതി അതോറിറ്റി അറിയിച്ചു. നേരത്തെ ഇത് നവംബർ 1 മുതൽ നടപ്പിലാക്കുമെന്നായിരുന്നു അറിയിച്ചിരുന്നത്. എന്നാൽ, ഇറക്കുമതിക്കാർക്കും നിർമാതാക്കൾക്കും വ്യാപാരികൾക്കും DTS ആവശ്യകതകൾ പൂർണമായി പാലിക്കുന്നതിന് കൂടുതൽ സമയം അനുവദിക്കുന്നതിനാണ് സമയപരിധി നീട്ടിയത്.
പുതിയ നിയമം:
2024 ജനുവരി 1 മുതൽ, അംഗീകൃത ഡിജിറ്റൽ ടാക്സ് സ്റ്റാമ്പ് ഇല്ലാത്ത ശീതളപാനീയങ്ങൾ, എനർജി ഡ്രിങ്കുകൾ, മറ്റ് എക്സൈസ് പാനീയങ്ങൾ എന്നിവ ഒമാനിൽ വിൽക്കാനോ വിതരണം ചെയ്യാനോ പാടില്ല.
നിയമലംഘനങ്ങൾ തടയുന്നതിനും, നികുതി പിരിവ് മെച്ചപ്പെടുത്തുന്നതിനും, നിയമവിരുദ്ധ വസ്തുക്കളിൽ നിന്ന് വിപണിയെ സംരക്ഷിക്കുന്നതിനുമുള്ള ശ്രമങ്ങളുടെ ഭാഗമാണ് ഈ സംരംഭം.
2019-ന്റെ മധ്യത്തിലാണ് രാജ്യത്ത് എക്സൈസ് നികുതി നിയമം പ്രാബല്യത്തിൽ വന്നത്. സിഗരറ്റ്, ഷീഷ, തമ്പാക്ക് ഉൽപന്നങ്ങൾ എന്നിവയിലേക്കും വ്യാപിപ്പിച്ച ശേഷമാണ് പാനീയങ്ങളിൽ ഡിജിറ്റൽ ടാഗ് നിർബന്ധമാക്കിയത്.
അതോറിറ്റിയുടെ മുന്നറിയിപ്പ്: 2026 ജനുവരി 1 മുതൽ, സ്റ്റാമ്പ് ഇല്ലാതെ ഏതെങ്കിലും എക്സൈസ് ഉൽപ്പന്നത്തിന്റെ വിൽപ്പന, വിതരണം അല്ലെങ്കിൽ പ്രചരണം ഒമാനിൽ കർശനമായി നിരോധിക്കും.
