ഒമാനിൽ ലോജിസ്റ്റിക്സ് ജോലികൾക്കും പ്രൊഫഷണൽ ലൈസൻസുകൾ നിർബന്ധമാക്കി. ലോജിസ്റ്റിക്സ് മേഖലയിലെ പ്രൊഫഷനുകൾക്ക് ഈ വർഷം സെപ്റ്റംബർ 1 മുതലാണ് നിർബന്ധിത പ്രൊഫഷണൽ പ്രാക്ടീസ് ലൈസൻസ് നടപ്പിലാക്കുന്നത്. തൊഴിൽ മന്ത്രാലയമാണ് ഇത് സംബന്ധിച്ച പ്രഖ്യാപനം നടത്തിയത്. ഒമാനിൽ സ്വദേശികൾക്കും പ്രവാസികൾക്കും വർക്ക് പെർമിറ്റുകൾ നൽകുന്നതിനോ പുതുക്കുന്നതിനോ ലോജിസ്റ്റിക്സ് മേഖലയ്ക്കായി സെക്ടറൽ സ്കിൽസ് യൂണിറ്റിൽ നിന്ന് പ്രൊഫഷണൽ പ്രാക്ടീസ് ലൈസൻസ് നേടൽ നിർബന്ധമാണെന്ന് തൊഴിൽ മന്ത്രാലയം വ്യക്തമാക്കി. രാജ്യത്തെ തൊഴിൽ വിപണിയെ നിയന്ത്രിക്കുന്നതിനും, കാര്യക്ഷമത വർദ്ധിപ്പിക്കുന്നതിനും, അംഗീകൃത പ്രൊഫഷണൽ മാനദണ്ഡങ്ങൾക്കനുസൃതമായി തൊഴിലുകൾ പരിശീലിക്കുന്നുണ്ടെന്ന് ഉറപ്പാക്കുന്നതിനുമുള്ള മന്ത്രാലയത്തിന്റെ ശ്രമങ്ങളുടെ ഭാഗമായാണ് തീരുമാനം.
