കേരള-സൗദി സെക്ടറിലെ യാത്രക്കാർക്ക് ആശ്വാസമായി കൊച്ചിയിൽ നിന്ന് ജിദ്ദയിലേക്ക് ആകാശ എയറിന്റെ നേരിട്ടുള്ള വിമാന സർവീസ് ആരംഭിച്ചു. കഴിഞ്ഞ ദിവസമാണ് പുതിയ സർവീസിന് തുടക്കമായത്. ആഴ്ചയിൽ നാല് സർവീസുകളാണ് ആകാശ എയർ ഈ റൂട്ടിൽ ഷെഡ്യൂൾ ചെയ്തിരിക്കുന്നത്. ശനി, തിങ്കൾ ദിവസങ്ങളിൽ ഓരോ സർവീസും ഞായറാഴ്ചകളിൽ രണ്ട് സർവീസും വീതമാണ് നിലവിൽ ക്രമീകരിച്ചിരിക്കുന്നത്.
