സൗദി അറേബ്യയില്‍ കനത്ത മഴയ്ക്കും വെള്ളപ്പൊക്കത്തിനും സാധ്യതയെന്ന് ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സിന്റെ മുന്നറിയിപ്പ്. മഴ മുന്നറിയിപ്പുള്ള സാഹചര്യത്തില്‍ ജനങ്ങള്‍ ജാഗ്രത പാലിക്കണമെന്നും മുന്‍കരുതലുകള്‍ സ്വീകരിക്കണമെന്നും അധികൃതര്‍ ഓര്‍മിപ്പിക്കുന്നു. മക്ക മേഖലയില്‍ കനത്ത മഴയ്ക്കും ആലിപ്പഴം പൊഴിയുന്നതിനുമുള്ള സാധ്യതയും മുന്നറിയിപ്പില്‍ ചൂണ്ടിക്കാണിക്കുന്നു. റിയാദിലും കനത്ത മഴ മുന്നറിയിപ്പുണ്ട്. മദീന, അല്‍ ബഹ, അസീര്‍, ജസാന്‍, സെന്‍ട്രല്‍ ഖസീം, ഹായില്‍, വടക്കന്‍ അതിര്‍ത്തികള്‍, കിഴക്കന്‍ പ്രവിശ്യ എന്നിവിടങ്ങളിലും കനത്ത മഴയ്ക്ക് സാധ്യതയുള്ളതായി മുന്നറിയിപ്പില്‍ വ്യക്തമാക്കുന്നു.
