ഖത്തര്‍ റെയില്‍ അല്‍ വക്‌റ മെട്രോ സ്റ്റേഷനില്‍ നിന്നും പുതിയ ലിങ്ക് ബസ് സര്‍വീസ് ആരംഭിച്ചു. അല്‍ വുകൈര്‍ എസ്ദാന്‍ ഒയാസിസ് ഉള്‍പ്പെടുന്ന താമസ മേഖലയിലേക്കുള്ള മെട്രോ ലിങ്ക് സര്‍വീസ് ഞായറാഴ്ച മുതല്‍ ഓടിതുടങ്ങി. ഖത്തറിലെ തിരക്കേറിയ താമസ കേന്ദ്രങ്ങളില്‍ ഒന്നായ എസ്ദാന്‍ ഒയാസിസ് ഭാഗത്തുള്ളവര്‍ക്ക് മെട്രോ യാത്ര കൂടുതല്‍ എളുപ്പമാക്കും. എം135 നമ്പര്‍ ബസാണ് പുതിയതായി ഓടിത്തുടങ്ങിയത്. അല്‍ മെഷാഫ് ഹെല്‍ത്ത് സെന്റര്‍, അല്‍ വുകൈര്‍ സെക്കന്‍ഡറി സ്‌കൂള്‍, ലയോള ഇന്റര്‍നാഷനല്‍ സ്‌കൂള്‍ തുടങ്ങിയവ ഉള്‍പ്പെടെ പ്രധാന കേന്ദ്രങ്ങളില്‍ സ്റ്റോപ്പും അനുവദിച്ചിട്ടുണ്ട്.
