കുവൈത്തിൽ വിദേശികളുടെ ഡ്രൈവിങ് ലൈസൻസിന് ചെലവേറുമെന്ന് റിപ്പോർട്ട്. ഡ്രൈവിങ് പാസായാൽ ലൈസൻസ് പ്രിന്റ് ചെയ്യുന്നതിന് 10 ദിനാർ അധികം ഈടാക്കി തുടങ്ങിയിട്ടുണ്ട്. ലൈസൻസ് പുതുക്കുമ്പോഴും ഈ തുക ഈടാക്കുന്നതാണ്. മന്ത്രിസഭാ തീരുമാനപ്രകാരമാണ് ഈ പുതിയ നടപടി. ലൈസൻസ് കാലാവധി വിദേശികൾക്ക് 5 വർഷവും സ്വദേശികൾക്ക് 15 വർഷവുമാണ്. ഒരുരാജ്യത്തെയും പൗരത്വമില്ലാത്തവരും കുവൈത്തിൽ രേഖാമൂലം താമസിക്കുന്നവരുമായ ബിദൂനികൾക്ക് ഇഖാമ കാലയളവിലേക്കാണ് ലൈസൻസ് അനുവദിക്കുന്നത്.
