മക്കയിലും മദീനയിലും വാഹന പരിശോധനകൾ ശക്തമാക്കി ജനറൽ ട്രാൻസ്‌പോർട്ട് അതോറിറ്റി. ഒരാഴ്ചക്കുള്ളിൽ 13,000 നിയമലംഘനങ്ങളാണ് കണ്ടെത്തിയത്. സുരക്ഷ ശക്തമാക്കുന്നതിന്റെ ഭാഗമായാണ് പരിശോധന. മക്ക നഗരത്തിൽ മാത്രം 54,000 ത്തിൽ അധികം ഫീൽഡ് പരിശോധന നടത്തിയിരുന്നു. ലൈസൻസ് പരിശോധന, വാഹനങ്ങളുടെ സാങ്കേതിക പരിശോധനകൾ, ഗതാഗത വ്യവസ്ഥകൾ പാലിക്കൽ തുടങ്ങി വിവിധതരത്തിലുള്ള നിയമലംഘനങ്ങളാണ് കണ്ടെത്തിയത്. മദീനയിൽ 11,000 പരിശോധനകളാണ് ഒരാഴ്ചക്കുള്ളിൽ നടത്തിയത്. നിയമലംഘകർക്കെതിരെ പിഴയുൾപ്പടെ നടപടികൾ സ്വീകരിച്ചിട്ടുണ്ട്. മക്കയിലും മദീനയിലും എത്തുന്ന വിശ്വാസികൾക്ക് ഗുണനിലവാരമുള്ള ഗതാഗത സേവനങ്ങളും സുരക്ഷയും ശക്തമാക്കുന്നതിന്റെ ഭാഗമായാണ് നടപടികൾ എന്ന് അധികൃതർ ചൂണ്ടിക്കാട്ടി.
