കുവൈത്ത് സിറ്റിയിൽ മദ്യപിച്ച് സമനിലതെറ്റിയ ഹൗസ് ഡ്രൈവറെ സ്‌പോൺസർ പിടികൂടി പൊലീസിൽ ഏൽപ്പിച്ചതായി റിപ്പോർട്ട് . ഇയാളെ ഉടൻ നാടുകടത്താനും രാജ്യത്തേക്ക് പ്രവേശനം വിലക്കാനും തീരുമാനിച്ചതായി അധികൃതർ വ്യക്തമാക്കി . സബാഹ് അൽ അഹ്‌മദ് റെസിഡൻഷ്യൽ ഏരിയ പൊലീസ് സ്റ്റേഷൻ പരിധിയിൽ കഴിഞ്ഞ ദിവസമാണ് സംഭവം. 54 കാരനായ കുവൈത്ത് പൗരൻ സഹകരണ സംഘത്തിലേക്ക് പോകാൻ തന്റെ ഡ്രൈവറെ വിളിച്ചതായിരുന്നു. എന്നാൽ മദ്യപിച്ച നിലയിലായിരുന്നു ഡ്രൈവർ മുറിയിൽ നിന്ന് പുറത്തിറങ്ങി വന്നത്. തുടർന്ന് കുവൈത്ത് പൗരൻ ആഭ്യന്തര മന്ത്രാലയത്തിന്റെ ഓപറേഷൻസ് സെന്ററിൽ റിപ്പോർട്ട് ചെയ്തു. ഉടൻ പട്രോളിങ് യൂനിറ്റ് സ്ഥലത്തെത്തി ഡ്രൈവറെ കസ്റ്റഡിയിലെടുത്തതായി അറബ് ടൈംസ് റിപ്പോർട്ട് ചെയ്തു.
