ഒമാനിൽ അധ്യാപക ദിനാചരണത്തിന്റെ ഭാഗമായി രാജ്യത്തെ സ്‌കൂളുകൾക്ക് ഞായറാഴ്ച അവധിയായിരിക്കുമെന്ന് വിദ്യാഭ്യാസ മന്ത്രാലയം. സുൽത്താനേറ്റിലുടനീളമുള്ള എല്ലാ പൊതു, സ്വകാര്യ സ്‌കൂളുകൾക്കും അവധി ബാധകമാണ്. എല്ലാ വർഷവും ഫെബ്രുവരി 24 ഒമാനി അധ്യാപക ദിനമായി ആചരിക്കാറുണ്ട്. ഈ വർഷം അധ്യാപക ദിനം തിങ്കളാഴ്ചയായതിനാൽ, അതിനു മുമ്പുള്ള ഞായറാഴ്ച അധ്യാപകർക്കും അഡ്മിനിസ്‌ട്രേറ്റീവ് ജീവനക്കാർക്കും അവധിയായി നൽകിരുന്നു. ഇതുപ്രകാരം വാരാന്ത്യദിനങ്ങളുൾപ്പെടെ തുടച്ചയായി മൂന്ന് ദിവസം അവധി ലഭിക്കുമെന്ന് അധികൃതർ വ്യക്തമാക്കി.
