ബഹ്റൈനിൽ അനധികൃത മത്സ്യബന്ധനം നടത്തിയ നാല് പേർ അറസ്റ്റിൽ. ബഹ്റൈനിലെ സംരക്ഷിത സമുദ്ര മേഖലയിൽ നിന്ന് 364 കിലോഗ്രാം വരുന്ന ഞണ്ടുകളെയാണ് ഇവർ പിടികൂടിയത്. വാണിജ്യ ആവശ്യങ്ങൾക്കാണ് ഞണ്ടുകളെ പിടികൂടിയതെന്ന് ചോദ്യം ചെയ്യലിൽ പ്രതികൾ വ്യക്തമാക്കി. സംരക്ഷിത മേഖലകളിൽ മത്സ്യ ബന്ധനം നടത്തുന്നതായി റിപ്പോർട്ടുകൾ ലഭിച്ചിതിനെ തുടർന്ന് പബ്ലിക് പ്രോസിക്യൂഷൻ നടത്തിയ അന്വേഷണത്തിലാണ് പ്രതികളെന്ന് സംശയിക്കപ്പെടുന്ന നാലുപേരെ പിടികൂടിയത്. രണ്ട് ബോട്ടും മത്സ്യ ബന്ധനത്തിന് ഉപയോഗിച്ചിരുന്ന ഉപകരണങ്ങളും ഇവരിൽ നിന്നും അധികൃതർ പിടികൂടി. ഇവരിൽ നിന്നും പിടിച്ചെടുത്ത ഞണ്ടുകളെ പൊതു ലേലത്തിൽ വിറ്റതായാണ് വിവരം. ഇതിൽ നിന്നുള്ള വരുമാനം നീതി, ഇസ്ലാമിക് കാര്യ മന്ത്രാലയത്തിലേക്ക് പോകുമെന്നും അധികൃതർ വ്യക്തമാക്കി.
