മസ്‌കത്ത് ഗവര്‍ണറേറ്റില്‍ ജ്വല്ലറിയില്‍ മോഷണം നടത്തി രാജ്യം വിടാന്‍ ശ്രമിച്ച മൂന്ന് പേർ വിമാനത്താവളത്തില്‍ അറസ്റ്റിലായതായി റിപ്പോർട്ട്. എന്നാൽ പ്രതികളെ മസ്‌കത്ത് രാജ്യാന്തര വിമാനത്താവളത്തില്‍ വച്ച് പിടികൂടുകയായിരുന്നു. റോയല്‍ ഒമാന്‍ പൊലീസാണ് ഇവരെ അറസ്റ്റ് ചെയ്തത്. ഏഷ്യന്‍ പൗരന്മാരായ മുന്ന് പേരെയാണ് മസ്‌കത്ത് ഗവര്‍ണറേറ്റ് പൊലീസ് കമാന്‍ഡ് പിടികൂടിയത്. മത്ര വിലായത്തിലെ ഒരു ജ്വല്ലറിയില്‍ നടന്ന സ്വര്‍ണാഭരണ മോഷണ സംഭവത്തിലെ പ്രതികളാണ് പിടിയിലായത്. പ്രതികള്‍ക്കെതിരെയുള്ള നിയമ നടപടികള്‍ സ്വീകരിച്ചു വരികയാണെന്ന് പൊലീസ് വ്യക്തമാക്കി.
