ഒമാനിൽ വടക്കൻ ശർഖിയയിൽ തൊഴിലുടമയുടെ വീട്ടിൽ നിന്നും ആഭരണങ്ങളും വിദേശ കറൻസിയും മോഷ്ടിച്ച വീട്ടുജോലിക്കാരി അറസ്റ്റിലായതായി റിപ്പോർട്ട്. റോയൽ ഒമാൻ പോലിസാണ് യുവതിയെ അറസ്റ്റ് ചെയ്തത്. ഇബ്ര വിലായത്തിലാണ് സംഭവം നടന്നത്. ആഫ്രിക്കൻ വംശജയായ ജോലിക്കാരിയെ ആണ് പോലീസ് പിടികൂടിയത്. സംഭവത്തിൽ കൂടുതൽ അന്വേഷണം നടന്നുവരികയാണ്. നിയമ നടപടികൾ സ്വീകരിച്ചുവരികയാണെന്നും റോയൽ ഒമാൻ പോലീസ് വ്യക്തമാക്കി. ഇത്തരം സംഭവങ്ങൾ തടയുന്നതിനായി ജാഗ്രത പാലിക്കണമെന്നും വിലപിടിപ്പുള്ള വസ്തുക്കൾ സൂക്ഷിക്കണമെന്നും താമസക്കാരോട് അധികൃതർ നിർദേശിച്ചു.
