കുവൈത്തില്‍ മദ്യം കൈവശം വെച്ച രണ്ട് പ്രവാസികളെ പോലീസ് പിടികൂടി. റെസ്ക്യൂ പൊലീസാണ് ഇവരെ അറസ്റ്റ് ചെയ്തത്. പൊലീസിന്‍റെ പട്രോളിങിനിടെയാണ് സംശയാസ്പദമായ സാഹചര്യത്തില്‍ മഹ്ബൂല പ്രദേശത്ത് നിന്നാണ് പ്രതികളെ കണ്ടെത്തിയത്.
വാഹനത്തില്‍ പോകുകയായിരുന്ന ഇവരോട് പൊലീസ് വാഹനം നിര്‍ത്താന്‍ ആവശ്യപ്പെട്ടു. തുടര്‍ന്ന് പരിശോധനയില്‍ വാഹനത്തിന് നിന്ന് മദ്യം കണ്ടെടുക്കുകയും ചെയ്തു. ഇവരില്‍ നിന്ന് പ്രാദേശികമായി നിര്‍മ്മിച്ച 213 കുപ്പി മദ്യം പിടിച്ചെടുക്കുകയും 260 ദിനാറും പിടികൂടി. മദ്യവില്‍പ്പനയിലൂടെ നേടിയ പണമാണിതെന്നാണ് സംശയം. എന്നാൽ ചോദ്യം ചെയ്യലില്‍ പ്രതികള്‍ മദ്യവില്‍പ്പന നടത്തിയതായി സമ്മതിക്കുകയും ചെയ്തു. തുടര്‍ നിയമ നടപടികള്‍ക്കായി ഇവരെ ലഹരിവിരുദ്ധ വിഭാഗത്തിന് കൈമാറിട്ടുണ്ട്. രാജ്യത്ത് മദ്യവില്‍പ്പന തടയുന്നതിനുള്ള ശ്രമങ്ങളും പരിശോധനകളും അധികൃതര്‍ കര്‍ശനമായി തുടരുകയാണ്.
