റോഡുകളിൽ വലിയ വാഹനങ്ങൾക്ക് നിയന്ത്രണം ഏർപ്പെടുത്തി അബുദാബി. തിരക്കേറിയ സമയങ്ങളിൽ വലിയ വാഹനങ്ങൾ റോഡുകളിൽ ഇറക്കുന്നതിന് അബുദാബി മൊബിലിറ്റി വിലക്ക് ഏർപ്പെടുത്തിടുണ്ട്. ജനുവരി 27 മുതലാണ് നിയന്ത്രണം പ്രാബല്യത്തിൽ വരുന്നത്. ഗതാഗതം സുഗമമാക്കുന്നതിനും സുരക്ഷ വര്‍ധിപ്പിക്കുന്നതിന്‍റെയും ഭാഗമായാണ് പുതിയ നടപടി. തിങ്കൾ മുതൽ വ്യാഴം വരെ രാവിലെ 6.30 മുതൽ 9 മണി വരെയും വൈകീട്ട് 3 മുതൽ രാത്രി 7 മണി വരെയുമാണ് നിരോധനം ഏർപ്പെടുത്തിയിരിക്കുന്നത്. വെള്ളിയാഴ്ച്ച ദിവസങ്ങളിൽ രാവിലെ 6.30 മുതൽ 9 വരെയും ശേഷം രാവിലെ 11 മണി മുതല്‍ ഉച്ചക്ക് ഒന്നു വരെയുമാണ് നിയന്ത്രണം. ചരക്കുലോറികൾ, ടാങ്കറുകൾ, നിർമാണ ഉപകരണകൾ
തുടങ്ങിയവയാണ് നിരോധിച്ചിരിക്കുന്നത്. തിരക്കേറിയ സമയങ്ങളിൽ വലിയ വാഹനങ്ങൾ പതിയെ നീങ്ങുന്നതുമൂലമുണ്ടാവുന്ന ഗതാഗതക്കുരുക്ക് ഇല്ലാതാക്കുകയാണ് ഈ തീരുമാനത്തിലൂടെ ലക്ഷ്യമിടുന്നത്. നിയന്ത്രണം ലംഘിക്കുന്നുണ്ടോ എന്നറിയാൻ അബുദാബി പോലീസുമായി സഹകരിച്ച് നിരീക്ഷണം ശക്തമാകുമെന്ന് അബുദാബി മൊബിലിറ്റി അധികൃതർ വ്യക്തമാക്കി.
