സൗദിയിലെ റിയാദ് മെട്രോയുടെ ബത്ഹ മെയിൻ സ്റ്റേഷനിൽ നിന്നുള്ള സേവനം ആരംഭിച്ചു. ബ്ലൂ ലൈനിലാണ് ബത്ഹ മെയിൻ സ്റ്റേഷൻ വരുന്നത്. ബ്ലൂ ലൈനിലെ മറ്റ് രണ്ട് സ്റ്റേഷനുകളും തുറന്നിട്ടുണ്ട്. അൽ വുറൂദ്, മുറബ്ബ നാഷണൽ മ്യൂസിയം എന്നീ സ്റ്റേഷനുകളാണ് തുറന്നത്. ഓറഞ്ച് ലൈനിൽ 2 സ്റ്റേഷനുകൾ കൂടി പ്രവർത്തനം ആരംഭിച്ചു. ളഹ്റത്ത് അൽ ബദിയ, അൽ ജറാദിയ്യ എന്നീ സ്റ്റേഷനുകളാണ് തുറന്നത്. സൗജന്യ പാർക്കിങ്, സൗജന്യ ടാക്സി സേവനം എന്നീ നിരവധി സംവിധാങ്ങളും ഒരുക്കിയിട്ടുണ്ട്. ദർബ് കാർഡ് ഉപയോഗിച്ചാണ് മെട്രോയിൽ യാത്ര ചെയ്യുക. റിയാദ് മെട്രോ സ്റ്റേഷനിലെത്തി നേരിട്ടോ, മെട്രോ സ്റ്റേഷൻ, ബസ് സ്റ്റോപ്പുകൾ തുടങ്ങിയയിടങ്ങളിൽ സ്ഥാപിച്ച മെഷീൻ വഴിയോ കാർഡ് ലഭ്യമാക്കുന്നതാണ്. ദർബ് കാർഡിന് പകരം എടിഎം കാർഡ് ഉപയോഗിച്ചും യാത്ര ചെയ്യാൻ സാധിക്കും. 2 മണിക്കൂറിന് ട്രെയിനും ബസ്സും ഉപയോഗിക്കാൻ 4 റിയാലാണ് ചാർജ്.
