സൗദിയിലെ അബഹയിലെ അൽസുദ പർവതനിരയിൽ നടന്ന വാഹനാപകടത്തിൽ മലയാളി ദമ്പതികൾക്ക് പരിക്ക്. ഇടുക്കി സ്വദേശികളായ ദമ്പതിമാരാണ് ഇവർ. ബുറൈദയിലെ സുലൈമാൻ അൽഹബീബ് ആശുപത്രി ജീവനക്കാരൻ അനീഷ് ജോർജും കിങ് ഫഹദ് ആശുപത്രിയിൽ ഐ.സി.യു സ്റ്റാഫ് നഴ്സ് അബി മോൾ എന്നിവർക്കാണ് അപകടത്തിൽ പരിക്കേറ്റത്. ഇവർ സഞ്ചരിച്ചിരുന്ന വാഹനം എതിരെ വന്ന വാഹനവുമായി കൂട്ടിയിടിച്ചാണ് അപകടം നടന്നത്. ഇവരുടെ വാഹനം പൂർണമായി തകർന്ന നിലയിലാണ്. അനീഷ് ജോർജിന്റെ കാലിനും അബിമോൾടെ കൈക്കുമാണ് പരിക്കേറ്റത്. ഇവരെ സൗദി സുരക്ഷാ ഉദ്യോഗസ്ഥർ അബഹയിലെ സ്വകാര്യ ആശുപത്രിയിൽ എത്തിച്ചു.
