സൗദി അറേബ്യ അതിശൈത്യത്തിലേക്ക് എന്ന് റിപ്പോർട്ട്. താപനിലയില്‍ ഗണ്യമായ കുറവാണ് ഉണ്ടായിരിക്കുന്നതെന്നു കാലാവസ്ഥ വകുപ്പ് മുന്നറിയിപ്പ് നൽകി. താപനില നാല് ഡിഗ്രി സെല്‍ഷ്യസിനും പൂജ്യം ഡിഗ്രി സെല്‍ഷ്യസിനും ഇടയിലേക്ക് താഴുമെന്നും മുന്നറിയിപ്പുണ്ട്. ശൈത്യം രാജ്യത്തിന്‍റെ വടക്ക് ഭാഗത്താണ് കൂടുതല്‍ ബാധിക്കുക. തബൂക്ക്, അല്‍ ജൗഫ്, വടക്കന്‍ അതിര്‍ത്തികള്‍, ഹായിൽ, മദീനയുടെ വടക്ക് പ്രദേശങ്ങള്‍ എന്നിവിടങ്ങളില്‍ ശക്തമായ തണുപ്പ് അനുഭവപ്പെടും. ഇവിടങ്ങളില്‍ ജനുവരി മൂന്ന് വെള്ളിയാഴ്ച വരെ ഇതേ കാലാവസ്ഥ തുടരാനുള്ള സാധ്യതയുണ്ട്. അതേസമയം ഈ ആഴ്ച ശൈത്യകാലത്തിലെ ഏറ്റവും ശക്തമായ ശീതതംരഗം രാജ്യത്ത് അനുഭവപ്പെടുമെന്ന തരത്തില്‍ർ പ്രചരിച്ച അഭ്യൂഹങ്ങള്‍ ശരിയല്ലെന്ന് ദേശീയ കാലാവസ്ഥ കേന്ദ്രം വക്താവ് ഹുസ്സൈന്‍ അല്‍ ഖത്താനി വ്യക്തമാക്കി.
