സൗദി അറേബ്യയിൽ ചില പ്രദേശങ്ങളിൽ ശനിയാഴ്‌ച മുതൽ താപനില 4 മുതൽ പൂജ്യം ഡിഗ്രി സെൽഷ്യസ് വരെ കുറയുമെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നൽകി. തബൂക്ക്, അൽ ജൗഫ്, വടക്കൻ അതിർത്തികൾ, ഹായിൽ, മദീന മേഖലയുടെ വടക്കൻ ഭാഗങ്ങൾ തുടങ്ങിയ ഇടങ്ങളിലാണ് തണുത്ത കാലാവസ്ഥ കൂടുതലും അനുഭവപ്പെടുന്നത്. 2025 ജനുവരി 3 വരെ സമാന കാലാവസ്ഥ തുടരുന്നതാണ്. എന്നാൽ ശീതകാലത്തിന്റെ ആരംഭം മുതൽ വരുന്ന ആഴ്‌ചയിൽ രാജ്യത്തിന്റെ പ്രദേശങ്ങൾ ഏറ്റവും ശക്തമായ ശീത തരംഗത്തിന് വിധേയമാകും എന്ന റിപ്പോർട്ടുകൾ നാഷനൽ സെന്റർ ഓഫ് മെറ്റീരിയോളജി വക്താവ് ഹുസൈൻ അൽ ഖഹ്താനി നിഷേധിച്ചിരുന്നു.
