കുവൈത്തിൽ സിവിൽ ഐ.ഡിയിൽ പുതിയ താമസസ്ഥലം അപ്‌ഡേറ്റ് ചെയ്യാത്തവരുടെ വിലാസങ്ങൾ റദ്ദാക്കി. 119 പേരുടെ വിലാസങ്ങള്ളാണ് റദ്ദാക്കിയത്. കെട്ടിടങ്ങൾ പൊളിച്ചതിനെ തുടർന്നും ഉടമകൾ നൽകിയ വിവരങ്ങൾ അനുസരിച്ചുമാണ് നടപടിയെന്ന് പബ്ലിക് അതോറിറ്റി ഫോർ സിവിൽ ഇൻഫർമേഷൻ വ്യക്തമാക്കി. രേഖകൾ നീക്കം ചെയ്യപ്പെട്ടവർ പാസി ഓഫിസ് സന്ദർശിച്ച് 30 ദിവസത്തിനകം പുതിയ വിലാസങ്ങൾ രജിസ്റ്റർ ചെയ്യേണ്ടതാണ്. നിശ്ചിത സമയപരിധിക്കുള്ളിൽ സിവിൽ ഐ.ഡിയിൽ വിലാസം ചേർത്തില്ലെങ്കിൽ 100 ദിനാർ പിഴ അടക്കമുള്ള നടപടികൾ സ്വീകരിക്കുമെന്ന് അധികൃതരുടെ മുന്നറിയിപ്പ്.
