വിദേശത്ത് ജയിലുകളിൽ തടവിലായവരെ ഇന്ത്യയിലെ ജയിലിലേക്ക് മാറ്റാൻ സർക്കാർ ഇടപെടണമെന്ന് ഇന്ത്യൻ പ്രവാസി മൂവ്മെന്റ്. വിദേശത്ത് തടവിലായവരെ ഇന്ത്യയിലെ ജയിലിലേക്കു മാറ്റാൻ സമ്മതിച്ചു കൊണ്ട് ഒട്ടേറെ രാജ്യങ്ങളുമായി ഉടമ്പടി ഉണ്ട്. വർഷങ്ങളായി വിദേശത്തെ വിവിധ ജയിലുകളിൽ പതിനായിരത്തോളം ഇന്ത്യക്കാരുണ്ട്. ഇവരിൽ പലരും ചതിയിൽ പെട്ടവരും നിരപരാധികളുമാണ്. ഇവർക്ക് കൃത്യമായി കാര്യങ്ങൾ ബോധിപ്പിക്കാൻ ഭാഷ അറിയാത്ത പ്രശ്നവും നേരിടുന്നുണ്ട്. ഇത്തരക്കാരെ ജയിൽ മോചിതരാക്കാൻ ലോകപര്യടനം നടത്താൻ കേന്ദ്രസർക്കാർ സംഘത്തെ നിയോഗിക്കണമെന്ന് ആവശ്യപ്പെട്ട് ജയിലിൽ കഴിയുന്നവരുടെ ബന്ധുക്കൾ കേരളത്തിലെ ലോക്സഭാ, രാജ്യസഭാ അംഗങ്ങളെയും വിദേശകാര്യ മന്ത്രാലയം കമ്മിറ്റി ചെയർമാൻ ശശി തരൂർ എംപിയെയും ഡൽഹിയിൽ നേരിട്ടു സന്ദർശിച്ചു നിവേദനം നൽകിയതായി ഇന്ത്യൻ പ്രവാസി മൂവ്മെന്റ് പ്രസിഡന്റ് ആർ.ജെ.സജിത്ത് വ്യക്തമാക്കി.
