യുഎഇ ദേശീയ ദിന അവധിക്ക് ദുബായിൽ രണ്ട് ദിവസത്തെ സൗജന്യ പാർക്കിങ് പ്രഖ്യാപിച്ച് റോഡ്സ് ആൻഡ് ട്രാൻസ്പോർട് അതോറിറ്റി. ഡിസംബർ 2, 3 തീയതികളിലായ് ബഹുനില പാർക്കിങ് ഒഴികെ എല്ലാ പൊതു പാർക്കിങ്ങുകളും സൗജന്യമായിരിക്കുമെന്ന് അതോറിറ്റി വ്യക്തമാക്കി. ഞായറാഴ്ചകളിൽ ഫീസ് ഈടാക്കാത്തതിനാൽ ഇത് മൂന്ന് ദിവസത്തെ സൗജന്യ പാർക്കിങ്ങായി മാറും. ഈ വർഷം ഈദ് അൽ ഇത്തിഹാദിന് നാല് ദിവസത്തെ വാരാന്ത്യമാണ് ലഭിക്കുക. ഡിസംബർ 2, 3 തീയതികളിൽ സ്വകാര്യ, പൊതു മേഖലകൾക്ക് ശമ്പളത്തോടുകൂടിയ അവധി പ്രഖ്യാപിച്ചിരുന്നു. ദുബായിലെ എല്ലാ സ്വകാര്യ സ്കൂളുകളും നഴ്സറികളും സർവകലാശാലകളും ഡിസംബർ 2, 3 തീയതികളിൽ അടയ്ക്കും. ഡിസംബർ 4 മുതൽ സാധാരണ ക്ലാസുകൾ പുനരാരംഭിക്കും.
