കുവൈത്തിൽ ഗുരുതര ഗതാഗത നിയമലംഘനം നടത്തുന്നവർക്കുള്ള ശിക്ഷ നടപടികൾ കടുപ്പിച്ചു. നിയമലംഘനങ്ങൾക്കു പിടികൂടുന്നവരെ സാമൂഹിക സേവനത്തിന്റെ ഭാഗമായി പണം നൽകാതെ ഒരു വർഷം മുഴുവനും ജോലി ചെയ്യിപ്പിക്കാനാണു പുതിയ ഗതാഗത നിയമത്തിൽ നിർദേശിച്ചിട്ടുള്ളത്. അധികൃതർ പറയുന്നിടത്ത്, ദിവസേന 8 മണിക്കൂർ ജോലി ചെയ്യേണ്ടിവരും. നിയമലംഘനത്തിൽ ഏർപ്പെട്ട വാഹനം കണ്ടുകെട്ടാനും നിർദേശം നൽകിയിട്ടുണ്ട്. നിശ്ചിത കാലയളവിലേക്കു കണ്ടുകെട്ടുന്ന വാഹനങൾ നിരീക്ഷിക്കാനുള്ള ഉപകരണം ഘടിപ്പിച്ച ശേഷം വ്യക്തിയുടെ വീടുകളിൽ തന്നെ സൂക്ഷിക്കും. ഉപകരണം നീക്കുകയോ കേടുവരുത്തുകയോ ചെയ്താൽ ശിക്ഷ ഇരട്ടിക്കുമെന്നും മുന്നറിയിപ്പ് നൽകിയിട്ടുണ്ട്.
