കുവൈത്തിൽ ബയോമെട്രിക് പൂർത്തിയാക്കാൻ പ്രവാസികൾക്ക് അനുവദിച്ച സമയപരിധി ഡിസംബർ 31 ന് അവസാനിക്കും . 87 ശതമാനം പ്രവാസികളും ബയോമെട്രിക് രജിസ്ട്രേഷൻ പൂർത്തിയാക്കിയതായി ക്രിമിനൽ എവിഡൻസ് ഡിപ്പാർട്മെന്റിലെ പേഴ്സനൽ ഐഡന്റിഫിക്കേഷൻ ഡിവിഷൻ ഡയറക്ടർ നായിഫ് അൽ മുതൈരി വ്യക്തമാക്കി. ബയോമെട്രിക് രജിസ്ട്രേഷൻ പൂർത്തിയാക്കാത്തവർക്ക് ഡിസംബർ 31 വരെ സമയമുണ്ടെങ്കിലും നടപടിക്രമങ്ങൾ വേഗത്തിൽ പൂർത്തിയാക്കാൻ പ്രവാസികളോട് അദ്ദേഹം അഭ്യർഥിച്ചു. നിലവിൽ 98 ശതമാനം കുവൈത്ത് സ്വദേശികളും ഇതിനകം ബയോമെട്രിക് നടപടികൾ പൂർത്തീകരിച്ചു. 20,000 പൗരന്മാർ മാത്രമാണ് ഇനി അവശേഷിക്കുന്നതെന്നും അൽ മുതൈരി കൂട്ടിച്ചേർത്തു. ബയോമെട്രിക് രജിസ്ട്രേഷൻ പൂർത്തിയാക്കാത്ത പ്രവാസികളുടെ എല്ലാ ഗവൺമെൻറ് ഇടപാടുകളും ഡിസംബർ അവസാനത്തോടെ താത്കാലികമായി നിർത്തിവെക്കുമെന്നാണ് സൂചന. കുവൈത്ത് സ്വദേശികള്‍ക്ക് അനുവദിച്ചിരുന്ന സമയം സെപ്റ്റംബറില്‍ അവസാനിച്ചിരുന്നു.
