കുവൈത്തിൽ പ്രോജക്ട് വീസയിൽ നിന്ന് സ്വകാര്യ വീസയിലേക്ക് മാറാൻ അവസരം. സർക്കാർ – പൊതുമേഖല പ്രോജക്ടുകളിൽ ജോലി ചെയ്യുന്ന വിദേശികൾക്ക് സ്വകാര്യ കമ്പനികളിലേക്ക് മാറാനുള്ള അനുവാദമാണ് അധികൃതർ നൽകിയത്. എന്നാൽ, ഇത് നിബന്ധനകൾക്ക് വിധേയമായിരിക്കുമെന്ന് പബ്ലിക് അതോറിറ്റി ഫോർ മാൻ പവർ വ്യക്തമാക്കി. സർക്കാർ കരാർ, പദ്ധതി പൂർത്തികരിച്ചെങ്കിൽ മാത്രമേ മാറ്റം അനുവദിക്കൂ. വീസ മാറ്റത്തിന് അപേക്ഷിക്കുന്ന തൊഴിലാളി കുറഞ്ഞത് ഒരു വർഷം തൊഴിൽ പൂർത്തീകരിച്ചിരിക്കണം. കൂടാതെ തൊഴിലാളകിളെ ആവശ്യമില്ലെന്ന് പബ്ലിക് അതോറിറ്റി ഫോർ മാൻ പവറിൽ രേഖാമൂലം അറിയിക്കണം. അതേസമയം 350 ദിനാർ ഒരോ വീസാമാറ്റത്തിനും നൽകണം. നവംബർ മൂന്ന് മുതലാണ് സ്വകാര്യ കമ്പിനികളിലേക്കുള്ള വീസ മാറ്റം പ്രാബല്യത്തിൽ വരുക.
