ഉച്ച വിശ്രമവുമായി ബന്ധപ്പെട്ട് 350 ലേറെ നിയമലംഘനങ്ങള്‍ കണ്ടെത്തിയതായി ഖത്തര്‍ തൊഴില്‍ മന്ത്രാലയം വ്യക്തമാക്കി . കമ്പനികള്‍ നിയമം കര്‍ശനമായി പാലിക്കുന്നുണ്ടോ എന്ന് ഉറപ്പുവരുത്താന്‍ തൊഴില്‍ മന്ത്രാലയം ഈ പരിശോധനകള്‍ നടത്തി. പരിശോധനകളിലാണ് 368 നിയമ ലംഘനങ്ങള്‍ കണ്ടെത്തിയത്. കനത്ത ചൂടില്‍ നിന്നും തൊഴിലാളികളെ സംരക്ഷിക്കുന്നതിനായി ഖത്തറില്‍ ഉച്ച വിശ്രമ നിയമം പ്രഖ്യാപിച്ചത് . പകൽ 10 മുതൽ 3.30 വരെ തുറസ്സായ സ്ഥലങ്ങളിൽ തൊഴിലാളികളെ ജോലി ചെയ്യിക്കുന്നത് തടയുന്നതാണ് നിയമം. ജൂണ്‍ 1 മുതല്‍ സെപ്തംബര്‍ 15 വരെയായിരുന്നു പുറം ജോലികള്‍ക്ക് നിയന്ത്രണമുണ്ടായിരുന്നത്. നിയമ ലംഘനങ്ങള്‍ നടത്തിയ കമ്പനികള്‍ക്കെതിരെ നടപടികൾ സ്വീകരിക്കുമെന്ന് അധികൃതർ വ്യക്തമാക്കി .
