കുവൈത്തിൽ സുരക്ഷ ലംഘനങ്ങളെ തുടർന്ന് പിടികൂടിയ 434 പ്രവാസികളെ നാടുകടത്തും. ഇവരെ ഒരാഴ്ചക്കുള്ളിൽ നാടുകടത്താൻ ആഭ്യന്തര മന്ത്രാലയം നിർദേശം നൽകിയതായി മാധ്യമങ്ങൾ റിപ്പോർട്ടു ചെയ്തു. റസിഡൻസിയും തൊഴിൽ നിയമങ്ങളും ലംഘിച്ചതിന്നാണ് പിടിയിലായത്. രാജ്യത്ത് പൊതുമാപ്പ് പ്രഖ്യാപിച്ചിരുന്നെങ്കിലും അത് ഇവർ ഉപയോഗപ്പെടുത്താതെ കഴിഞ്ഞവരാണ് .ഇത്തരക്കാരെ പിടികൂടാൻ കർശന പരിശോധനകൾ നടക്കുന്നുണ്ട് . പിടികൂടുന്നവരെ നിയമപരമായ നടപടികൾക്കും നാടുകടത്തലിനും ബന്ധപ്പെട്ട അധികാരികളിലേക്ക് കൈമാറി. റെസിഡൻസിയും തൊഴിൽ ചട്ടങ്ങളും കർശനമായി നടപ്പാക്കുന്നതിനുള്ള ശ്രമത്തിന്റെ ഭാഗമാണിതെന്ന് ആഭ്യന്തര മന്ത്രാലയം ചൂണ്ടിക്കാട്ടി . അനധികൃത താമസവും തൊഴിലും തടയാൻ പരിശോധന തുടരുമെന്നും വ്യക്തമാക്കി
