ടയറുകളുടെ സുരക്ഷ ഉറപ്പാക്കുന്നതിന്റെ ഭാഗമായി ഈ വർഷം ആദ്യ പകുതിയിൽ ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി 23,050 പരിശോധനകൾ നടത്തി. ട്രാഫിക് ആൻഡ് റോഡ്സ് ഏജൻസിയിലെ ഗതാഗതവകുപ്പും ഇന്റർകോണ്ടിനെന്റൽ ടയർ കമ്പനിയും ലൈസൻസിങ് ഏജൻസിയിലെ ലൈസൻസിങ് ആക്ടിവിറ്റീസ് കൺട്രോൾ വകുപ്പും ചേർന്നാണ് പരിശോധന നടത്തിയത്. ട്രക്കുകളും വലിയ വാഹനങ്ങളും ഏറ്റവും കൂടുതൽ കടന്നുപോകുന്ന അൽ മക്തൂം എയർപോർട്ട് റോഡ്, ദുബായ്-അൽ ഐൻ റോഡ്, റാസൽഖോർ റോഡ്, മുഹമ്മദ് ബിൻ സായിദ് റോഡ്, ലെഹ്ബാബ് റോഡ് എന്നിവിടങ്ങൾ കേന്ദ്രീകരിച്ചാണ് പരിശോധന നടത്തിയത്. അപകടങ്ങൾ ഒഴിവാക്കാനും ടയറുകളുടെ സുരക്ഷ ഉറപ്പാക്കാൻ ഡ്രൈവർമാരെ പ്രോത്സാഹിപ്പിക്കാനുമാണ് പരിശോധന കാമ്പയിൻ സംഘടിപ്പിച്ചതെന്നും അധികൃതർ വ്യക്തമാക്കി.
