ബഹ്‌റൈൻ – സൗദി രണ്ടാമത്തെ റെയിൽ റോഡ് പാലം നിർമാണ പ്രവർത്തനങ്ങൾ ആരംഭിക്കുന്നു. നിലവിലെ കിങ് ഫഹദ് കോസ്‌വേയ്ക്ക് സമാന്തരമായിട്ടായിരിക്കും ‘കിങ് ഹമദ്’ കോസ്‌വേ എന്ന് നാമകരണം ചെയ്തിട്ടുള്ള പുതിയ പാതയുടെ നിർമാണവും നടക്കുക. 25 കിലോമീറ്റർ ദൈർഘ്യമുള്ള ഈ പാതയിൽ വേഗത്തിലുള്ള യാത്രയ്ക്കായി ഒരു റെയിൽവേ ട്രാക്ക് കൂടി ഉണ്ടാകും എന്നതാണ് പ്രത്യേകത. സൗദി അറേബ്യയെയും ബഹ്‌റൈനെയും ബന്ധിപ്പിക്കുന്ന പുതിയ പാലത്തിൽ വാഹനങ്ങൾക്കുള്ള നാലുവരി പാതകളും റെയിൽവേയുടെ ഭാഗവും കൂടി ഉൾപ്പെടുന്ന തരത്തിലാണ് നിർമ്മാണം നടക്കുക.ഗതാഗതക്കുരുക്ക് കുറയ്ക്കാനും ജിസിസിയിലുടനീളം ആളുകളെയും ചരക്കുകളും കൊണ്ടുപോകുന്നതിന്‍റെ കാര്യക്ഷമത വർദ്ധിപ്പിക്കാനുമാണ് ഈ പാത ലക്ഷ്യമിടുന്നതെന്ന് അധികൃതർ വ്യക്തമാക്കി.
