വാഹനങ്ങളിൽ മാഗ്നറ്റിക് ഫോൺ ഹോൾഡറുകൾ ഉപയോഗിക്കുന്നത് നിരോധിച്ച് സൗദി അറേബ്യ. സൗദി വാണിജ്യ മന്ത്രാലയം പുറപ്പെടുവിച്ച ഉത്തരവ് പ്രകാരം, സ്റ്റിയറിങ് വീലിൽ ഘടിപ്പിക്കുന്നത് ഉൾപ്പെടെ 13,763-ഓളം ഇനം മാഗ്നറ്റിക് ഫോൺ ഹോൾഡറുകളാണ് നിരോധിച്ചത്. അപകട സമയത്ത് എയർബാഗ് വിന്യസിക്കുമ്പോൾ, സ്റ്റിയറിങ്ങിൽ ഒട്ടിച്ചിരിക്കുന്ന മാഗ്നറ്റിക് ഹോൾഡർ പുറത്തേക്ക് തെറിക്കും. ഇത് യാത്രക്കാരന് ഗുരുതരമായ പരുക്കുകൾക്ക് കാരണമാകും. വാഹനങ്ങളുടെ ഉപയോഗ നിർദ്ദേശ പുസ്തകത്തിൽ എയർബാഗ് പ്രവർത്തനത്തെ ബാധിക്കുന്ന വസ്തുക്കൾ സ്റ്റിയറിങ്ങിൽ നിന്ന് മാറ്റി നിർത്തണമെന്ന മുന്നറിയിപ്പ് ഉണ്ടെങ്കിലും പലരും ഇത് പാലിക്കുന്നില്ല. വാഹനത്തിൽ ഉപയോഗിക്കുന്ന ഫോൺ ഹോൾഡർ നിരോധിത പട്ടികയിലുണ്ടോ എന്ന് Recalls.sa വെബ്‌സൈറ്റ് സന്ദർശിച്ച് പരിശോധിക്കാം.
