ഇനി ഒമാനിൽ ഇലക്ട്രോണിക് വിസ എളുപ്പത്തിൽ സ്വന്തമാക്കാനുള്ള സംവിധാനമൊരുക്കി റോയൽ ഒമാൻ പൊലീസ്. ടുറിസം, ജോലി തുടങ്ങി വിവിധ ആവശ്യങ്ങൾക്കായി ഒമാനിൽ എത്താൻ ആഗ്രഹിക്കുന്നവർക്ക് ഇനി ഇലക്ട്രോണിക് വിസ നടപടികൾ ഇതിലൂടെ കൂടുതൽ എളുപ്പമാകും. ഒമാനിലെ ടൂറിസം സീസൺ തുടങ്ങിയതോടെ ആയിരകണക്കിന് ആളുകളാണ് വിസക്കായി അപേക്ഷിക്കുന്നത്. ഇതിന് പ്രതിവിധിയായാണ് റോയൽ ഒമാൻ പൊലീസ് നടപടികൾ എളുപ്പമായിരിക്കുന്നത്. തൊഴിലുടമ, തൊഴിലുടമ അല്ലാത്തവർ, ജി.സി.സി രാജ്യങ്ങളിൽ താമസിക്കുന്നവർ തുടങ്ങിയവർക്കെല്ലാം ടൂറിസ്റ്റ് വിസക്കായി അപേക്ഷിക്കാവുന്നതാണ്. ഒമാനിൽ എത്തിച്ചേരുന്നതിന്റെ നാല് ദിവസം വിസാ അപേക്ഷ നൽകണം. റോയൽ ഒമാൻ പൊലീസിന്റെ വെബ്സൈറ്റ് സന്ദർശിച്ച് നടപടിക്രമങ്ങൾ പൂർത്തിയാക്കിയാൽ വിസ ലഭിക്കുന്നതാണ്. എക്സസ്പ്രസ്സ് വിസക്ക് ഒരു മാസവും, രാജ്യത്തെ തൊഴിലുടമയുമായി ബന്ധപ്പെട്ട വിസക്ക് മൂന്ന് മാസവും, തൊഴിലുടമയല്ലാത്ത വിസക്ക് ഒരു മാസവുമാണ് സമയ പരിധി. സ്പോൺസേഡ് ടൂറിസ്റ്റ് വിസയും, എക്സ്പ്രസ്സ് വിസയും ഇലക്ട്രോണിക് വിസ സംവിധാനത്തിൽ ചേർത്തിട്ടുണ്ട്.
